jo hai makān vahī lā-makān niklegā
zamīñ tale bhī koī āsmān niklegā
akelā dhuup ke lashkar meñ ghir gayā pāgal
jo sochtā thā koī sā.ebān niklegā
ye jin jo kaam kā daftar ke aa gayā mujh par
badan ko sauñp ke merī takān niklegā
koī to hai jo sadā hai mire ta.āqub meñ
adū nahīñ to koī mehrbān niklegā
jo jāntā thā mujhe mujh se bhī zarā baḌh kar
kise ḳhabar thī vahī bad-gumān niklegā