pareshāñ kyuuñ na ho jaave nazārā
is ārā.ish ne dil par naqsh maarā
ye mashshāta balā-e-tāza laa.ī
muja.ad kar diyā sar us kā saarā
hazāroñ choTiyāñ nannhī thiiñ aur baal
na kyuuñ taḳht apnā luTvā de hazārā
gudāz āhan-diloñ ko husn jab de
na hove aab kyūñkar sañg-e-ḳhārā
kahīñ dekhā hai is hai.at kā ma.ashūq
nazar kiijo muslimānāñ! ḳhudā-rā
bale ai 'mus.hafī' dīgar che goyam
adā-e-mū-e-mānī kisht maarā