har-chand ki ho marīz-e-mohtāt

kyā kar sake bā-fasād iḳhlāt

idrīs kī sālahā rahī hai

kūche meñ tire dukān-e-ḳhayyāt

ruḳh par tire dekh sabza-e-ḳhat

hairān haiñ sab jahāñ ke ḳhattāt

jitnī mire dil meñ hai terī chaah

kam hogī na is se niim qīrāt

ḳhuuñ se tire bismiloñ ke dekhī

kūche meñ tire bichhī suqarlāt

qad us kā nahīñ agarche kotah

hai jism kī lāġharī ba-ifrāt

ai yaaro na 'mus.hafī' ko koī

samjho na kam-az-rashīd-vitvāt