zindagī mujh ko mirī nazroñ meñ sharminda na kar
mar chukā hai jo bahut pahle use zinda na kar
haal kā ye dukh tire maazī kī tujh ko den hai
aaj tak jo kuchh kiyā tū ne vo ā.inda na kar
to bhī is tūfān meñ ik ret kī dīvār hai
apnī hastī bhuul kar har ek kī ninda na kar
sau-gunā hote hue bhī jis ne baazī haar dī
aisī buzdil bhiiḌ kā mujh ko numā.inda na kar
jism kyā shai hai ki merī ruuh tak jal jā.egī
aag meñ apnī jalā kar mujh ko tābinda na kar