dekh us ko ik aah ham ne kar lī
hasrat se nigāh ham ne kar lī
kyā jaane koī ki ghar meñ baiThe
us shoḳh se raah ham ne kar lī
bande pe na kar karam ziyāda
bas bas tirī chaah ham ne kar lī
jab us ne chalā.ī teġh ham par
hāthoñ kī panāh ham ne kar lī
naḳhvat se jo koī pesh aayā
kaj apnī kulāh ham ne kar lī
zulf-o-ruḳh-e-mahvashāñ kī daulat
sair-e-shab-e-māh ham ne kar lī
kyā der hai phir ye abr-e-rahmat
taḳhtī to siyāh ham ne kar lī
dī zabt meñ jab ki 'mus.hafī' jaañ
sharm us kī gavāh ham ne kar lī