aise maqām tak bhī tire nā-rasā ga.e
taare falak ke TuuT ke qadmoñ meñ aa ga.e
ummīd-e-vasl-e-yār liye kitne kam nasīb
apnī dukān tere jahāñ se baḌhā ga.e
dekhā jinhoñ ne aañkh gañvā kar safar kiyā
be-laus jo chale the vahī tujh ko pā ga.e
mujh se kisī ke sāmne royā nahīñ gayā
kitne hī ġham the jo mujhe andar se khā ga.e
ik un ke dar pe jaane kyuuñ dastak na dī kabhī
hālāñki un ke kūche meñ ham bār-hā ga.e