soch bhī us din ko jab tū ne mujhe sochā na thā

koī dariyā dasht ke atrāf meñ bahtā na thā

us ko kab fursat thī jo chehroñ ko paḌhtā ġhaur se

varna sat.h-e-ā.ina kā har varaq saada na thā

jaane kyuuñ ab raat din ghar meñ paḌā rahtā hai vo

pahle yuuñ ḳhud meñ kabhī simTā huā rahtā na thā

ḳhushbuoñ rañgoñ ko pī letī hai aakar zard-shām

peḌ hai andesha-e-anjām to sūkhā na thā

shāh-rāhoñ se gurezāñ hai magar kuchh soch kar

ādatan pahle to vo pagDañDiyāñ chaltā na thā