uljhī huī sochoñ kī girheñ kholte rahnā
achchhā hai magar in meñ lahū gholte rahnā
din bhar kisī manzar ke ta.āqub meñ bhaTaknā
aur shaam ko lafzoñ ke nagīñ rolte rahnā
maiñ lamha-e-mahfūz nahīñ ruk na sakūñgā
uḌnā hai mire sañg to par taulte rahnā
ḳhāmosh bhī rahne se janāze nahīñ rukte
jiine ke liye ham-nafaso bolte rahnā
achchhā nahīñ āġhāz-e-masāfat hī meñ 'nāsir'
kashtī kā sar-e-āb-e-ravāñ Dolte rahnā