phir se lahū lahū dar-o-dīvār dekh le
jo bhī dikhā.e vaqt vo nā-chār dekh le
apne gale pe chaltī chhurī kā bhī dhyān rakh
vo tez hai yā kund zarā dhaar dekh le
phir chhūTne se pahle hī apne vajūd ko
maujūd bachpanoñ meñ giraftār dekh le
ghustā chalā hai peT meñ har aadmī kā sar
tujh se bhī ho sakegā na inkār dekh le
yuuñ roz roz karte adā-kāriyāñ tirī
sūrat badal ga.ī hai mire yaar dekh le