vo to nahīñ milā hai sāñsoñ jiye to kyā hai

dil ab bhī pyaas par hai ġham pī liye to kyā hai

saarī ḳhushī hamārī āñkhoñ se chhan rahī hai

kuchh der tum ne gesū lahrā diye to kyā hai

be-tābiyāñ bhī kitnī muñh-zor ho ga.iiñ haiñ

tūfān jaate jaate kuchh mar liye to kyā hai

maiñ bhī vahāñ purāne zaḳhmoñ ko dho rahā thā

tū ne bhī aaj din bhar dukhḌe siye to kyā hai

hañs hañs ke kah rahā hai ye raat kā darīcha

ab guuñj ubhar rahī hai lab sī liye to kyā hai

us mai-kade meñ ab bhī taqsīm hai purānī

chhalkā diye to kyā hai ulTā diye to kyā hai