bahut sochā kiye kyā zindagī hai
faqat ik dhund meñ āvārgī hai
tabī.at meñ jo ye shā.istagī hai
tumhāre naam se vābastagī hai
kuredā ba.ad barsoñ ke to dekhā
mire zaḳhmoñ meñ ab bhī tāzgī hai
kisī ke saath huuñ aise azal se
samundar saath jaise tishnagī hai
mire ḳhvāboñ meñ apnā ghar banā lo
nagar meñ ab kahāñ pākīzgī hai
koī mausam na lā.egā saverā
tumhāre zehn meñ gar tīrgī hai