jaane ab kho gayā kidhar paanī
thā kabhī aañkh kā guhar paanī
maaro patthar bhī to nahīñ hiltā
jam chukā hai ab is qadar paanī
aane vaale haiñ kuchh hasīñ manzar
tū abhī aañkh meñ na bhar paanī
tab ġhazal kī galī pahuñchtā hai
aañkh se bah ke raat bhar paanī
na sameTā gayā na kaam aayā
maiñ bhī huuñ jaise ret par paanī
merī hastī 'sahar' hai bas itnī
jaise sahrā meñ buuñd bhar paanī