koī mo.ajiza huā hai mirī be-ḳhudī se aage

terā ġham nikal gayā hai mirī har ḳhushī se aage

mirī pyaas kā tarāna yuuñ samajh na aa sakegā

mujhe aaj sun ke dekho mirī ḳhāmoshī se aage

maiñ huuñ saañs saañs tanhā maiñ huuñ zarra zarra ghāyal

mujhe paas aa ke dekho mirī dilkashī se aage

vahīñ kal bhī phir mileñge jahāñ aaj mil rahe haiñ

terī raushnī ke pīchhe mirī tīrgī se aage

isī Dar se paḌh na paa.ī maiñ tirā payām jānāñ

kahīñ dil ko chhū na jaa.e mirī bebasī se aage