us kā ḳhayāl aate hī manzar badal gayā
matlā sunā rahā thā ki maqtā phisal gayā
baazī lagī huī thī urūj-o-zavāl kī
maiñ āsmāñ-mizāj zamīñ par machal gayā
chāroñ taraf udaas safedī bikhar ga.ī
vo aadmī to shahr kā manzar badal gayā
tum ne jamāliyāt bahut der se paḌhī
patthar se dil lagāne kā mauqā nikal gayā
saarā mizāj nuur thā saarā ḳhayāl nuur
aur is ke bāvajūd sharāre ugal gayā