itnī baar mohabbat karnā kitnā mushkil ho jaatā hai
insānoñ pe hijrat karnā kitnā mushkil ho jaatā hai
shab bhar tāroñ ko ginñe meñ kitnī dushvārī hai yaar
jāgte rahnā aadat karnā kitnā mushkil ho jaatā hai
mere andar kī sab rāteñ saa.e jitnī rahtī haiñ
tārīkī se sohbat karnā kitnā mushkil ho jaatā hai
kitnā mushkil ho jaatā hai karnā aur na karnā sab
ye karnā tum ye mat karnā kitnā mushkil ho jaatā hai
tujh ko chhūne kī ḳhvāhish meñ pal pal jaltā rahtā huuñ
tere jism kī hasrat karnā kitnā mushkil ho jaatā hai