Khan Rizwan

wahshat-e-gham se raat bhar yaro

Khan Rizwan

Jehanabad, Bihar, India

1982

vahshat-e-ġham se raat bhar yaaro

royā maiñ phir huī sahar yaaro

jaanā chāheñ bhī to kidhar jaa.eñ

kho ga.e saare rahguzar yaaro

zehn-o-dil se nikāl kar us ko

kar diyā ḳhud ko mo'atabar yaaro

umr bhar gard-e-rāh sūrat

maiñ jo kartā rahā safar yaaro

aa.ī ḳhāk-e-vatan yaad magar

lauT kar phir ga.e na ghar yaaro

hai tamannā na.ī fazā magar

kaT ga.e apne bāl-o-par yaaro

chāhe jitnā ḳhayāl rakkho mirā

umr merī hai muḳhtasar yaaro

Top Urdushayar.com