ham jaise pāgal bahutere phirte haiñ
aap bhalā kyoñ baal bikhere phirte haiñ
kāñdhoñ par zulfeñ aise bal khātī haiñ
jaise le kar saañp sapere phirte haiñ
chāñd sitāre kyoñ mujh se pañgā le kar
mere pīchhe Dere Dere phirte haiñ
ḳhushiyāñ mujh ko DhūñD rahī haiñ galiyoñ meñ
par ġham haiñ kī ghere ghere phirte haiñ
na jaane kab un ke karam kī bārish ho
aur na jaane kab din mere phirte haiñ