kyā kahūñ kyā milā hai kyā na milā
dil bhī shāyān-e-dilrubā na milā
talḳhi-e-zindagī are tauba
zahr meñ zahr kā mazā na milā
ham ko apnī ḳhabar na dāman kī
chashm-e-rahmat ko ik bahāna milā
laakh milne kā ek milnā hai
ki hameñ izn-e-iltijā na milā
fitna-e-rind-o-mohtasib tauba
barmalā koī pārsā na milā
thī baḌī bhiiḌ us ke kūche meñ
ḳhizr aa.e the rāstā na milā
kis se miliye 'ravish' ki dillī meñ
sab mile vo ḳhud-āshnā na milā