tum apnā ranj-o-ġham apnī pareshānī mujhe de do
tumheñ ġham kī qasam is dil kī vīrānī mujhe de do
ye maanā maiñ kisī qābil nahīñ huuñ in nigāhoñ meñ
burā kyā hai agar ye dukh ye hairānī mujhe de do
maiñ dekhūñ to sahī duniyā tumheñ kaise satātī hai
koī din ke liye apnī nigahbānī mujhe de do
vo dil jo maiñ ne māñgā thā magar ġhairoñ ne paayā hai
baḌī shai hai agar us kī pashemānī mujhe de do