kyā jāneñ tirī ummat kis haal ko pahuñchegī
baḌhtī chalī jaatī hai ta.adād imāmoñ kī
har gosha-e-maġhrib meñ har ḳhitta-e-mashriq meñ
tashrīh digar-gūñ hai ab tere payāmoñ kī
vo log jinheñ kal tak da.avā thā rifāqat kā
tazlīl pe utre haiñ apnoñ hī ke nāmoñ kī
bigḌe hue tevar haiñ nau-umr siyāsat ke
biphrī huī sāñseñ haiñ nau-mashq nizāmoñ kī
tabqoñ se nikal kar ham firqoñ meñ na baT jaa.eñ
ban kar na bigaḌ jaa.e taqdīr ġhulāmoñ kī