ḳhushiyāñ na chhoḌ apne liye ġham talab na kar
ai ham-nashīñ yahāñ koī mahram talab na kar
kin hijratoñ ke ba.ad huā hai ye mo'atabar
parvardigār mujh se mirā ġham talab na kar
kuchh aur zaḳhm khā ki mile manzil-e-murād
lamhoñ se apne zaḳhm kā marham talab na kar
ai dil kisī se mil ke bichhaḌne meñ fā.eda
muzmar hai jo visāl meñ vo sam talab na kar
Takrā na mujh ko merī anā ke pahāḌ se
mere liye vo sā.at-e-barham talab na kar