kaun ḳhvāhish kare ki aur jiye
ek bezār zindagī ke liye
aur koī nahīñ hai us ke sivā
sukh diye dukh diye usī ne diye
aao hoñToñ pe lafz rakh leñ ham
ek muddat huī hai baat kiye
zaḳhm ko raas aa ga.ī hai havā
ab masīhā ise siye na siye
us ke piyāle meñ zahr hai ki sharāb
kaise ma.alūm ho baġhair piye
ab thakan dard bantī jaatī hai
dil se kuchh kaam bhī to aise liye
maiñ ne maañ kā libās jab pahnā
mujh ko titlī ne apne rañg diye