mohtasib ne jo nikālā hameñ maiḳhāne se
duur tak aañkh milāte ga.e paimāne se
aaj to ḳhum hī lagā de mire muñh se saaqī
merī niyyat nahīñ bhartī tire paimāne se
aap itnā to zarā hazrat-e-nāseh samjheñ
jo na samjhe use kyā fā.eda samjhāne se
maiñ ne chakkhī thī to saaqī ne kahā joḌ ke haath
aap lillāh chale jā.iye maiḳhāne se
tum zarā nāseh-e-nādāñ ko dikhā do jalva
baaz aatā nahīñ zālim mujhe samjhāne se
na uThe jaur kisī se to vo ro kar bole
be-maza ho ga.e ham 'ashk' ke mar jaane se