safar meñ aise ka.ī marhale bhī aate haiñ
har ek moḌ pe kuchh log chhūT jaate haiñ
ye jaan kar bhī ki patthar har ek haath meñ hai
jiyāle log haiñ shīshoñ ke ghar banāte haiñ
jo rahne vaale haiñ log un ko ghar nahīñ dete
jo rahne vaalā nahīñ us ke ghar banāte haiñ
jinheñ ye fikr nahīñ sar rahe rahe na rahe
vo sach hī kahte haiñ jab bolne pe aate haiñ
kabhī jo baat kahī thī tire ta.alluq se
ab us ke bhī ka.ī matlab nikāle jaate haiñ