dil ko tumhāre rañj kī parvā bahut rahī
talḳhī-e-ishq ab ke gavārā bahut rahī
jis zindagī ko chhoḌ ke aayā huuñ yuuñ shitāb
us zindagī kī mujh ko tamannā bahut rahī
dil ke varaq pe saaf likhī thī jo ek satr
kāġhaz pe aa ga.ī to burīda bahut rahī
bas ek zaḳhm sauñp ke mujh se kiyā gurez
dil ko to us mizha se tamannā bahut rahī
ik hijr-e-be-panāh raqam kar rahā thā maiñ
ye lauh-e-hijr mujh se navishta bahut rahī