dil mirā raqsāñ hai jab se aql is shorish meñ hai
larzish-e-pā āsmāñ yā ye jahāñ larzish meñ hai
aaj se pahle zamīñ kī chaal to aisī na thī
tum zarā raftār dekho kis qadar gardish meñ hai
Thiik hai tujh ko milā hai mujh ko bhaTkāne kā kaam
ye magar kyā tū to har dam dāvat-e-laġhzish meñ hai
kis qadar phir ek ho jāveñ zamīn-o-āsmāñ
ham zamīn-o-āsmāñ vaale isī sāzish meñ haiñ
muntazir haiñ tishna-lab ye kausar-o-tasnīm kā
ek zanjīr-e-kashish bhī sāqi-e-mehvash meñ hai