Hasan Aabid

waqt ajib chiz hai waqt ke sath Dhal gae

Hasan Aabid

vaqt ajiib chiiz hai vaqt ke saath Dhal ga.e

tum bhī bahut badal ga.e ham bhī bahut badal ga.e

mere laboñ ke vāste ab vo samā.ateñ kahāñ

tum se kaheñ bhī kyā ki tum duur bahut nikal ga.e

tez havā ne har taraf aag bikher tamām

apne ghar zikr kyā shahr ke shahr jal ga.e

mauja-e-gul se ham-kanār ahl-e-junūñ ajiib the

jaane kahāñ se aa.e the jaane kidhar nikal ga.e

shauq-e-visāl thā bahut so hai visāl visāl

hijr ke rañg ab kahāñ mausam-e-ġham badal ga.e

sūrat-e-hāl ab ye hai ki log ḳhilāf haiñ mire

ai mire ham-ḳhyāl-o-ḳhvāb tum to nahīñ badal ga.e

bū-e-gul aur hisār-e-gul ahl-e-chaman pe zulm hai

apnī hudūd-e-zāt se jaan ke ham nikal ga.e

āb-e-hayāt jaan kar zahr piyā gayā yahāñ

zahr bhī ḳhāmushī zahr-e-jism tamām gal ga.e

sham-e-badan bhī the ka.ī rāh-e-junūñ meñ ham-safar

tāb-e-muqāvamat na thī dhuup paḌī pighal ga.e

Top Urdushayar.com