numūd-e-rañg se begāna-vār aa.ī hai
ḳhizāñ kā bhes badal kar bahār aa.ī hai
malūl-o-muzmahil-o-be-qarār aa.ī hai
koī batā.e ye kaisī bahār aa.ī hai
asīr-e-ḳhāna-e-gulchīñ haiñ rañg-o-bū ai dost
ye kis ke ahd meñ aisī bahār aa.ī hai
suhāg adh-khilī kaliyoñ kā kis ne luuT liyā
bahār kis liye yuuñ sogvār aa.ī hai
chaman fasurda gul āzurda ġhunche pazhmurda
ḳhizāñ bahār pe hai yā bahār aa.ī hai
na barg-o-gul kī tamannā na rañg-o-bū kī havas
'sahāb' mujh ko ḳhizāñ sāz-gār aa.ī hai