asrār baḌī der meñ ye mujh pe khulā hai
anvār kā mamba.a mire siine meñ chhupā hai
kyā soch ke bhar aa.ī haiñ ye jhiil sī āñkheñ
kyā soch ke dariyā ke kināre tū khaḌā hai
bujhte hue is diip kā tum hausla dekho
jo sub.h talak tez havāoñ se laḌā hai
uftād paḌī jab to huā mujh se gurezāñ
saa.e kī tarah jo bhī mire saath rahā hai
zarrāt kī sūrat na bikhar jaa.e kahīñ phir
ik ḳhvāb jo āñkhoñ meñ mirī aan basā hai