chhoTī hī sahī baat kī tāsīr to dekho
thoḌā sā magar zahr-bujhā tiir to dekho
pal bhar meñ bikhar jā.eñge miTTī ke gharauñde
bachchoñ kī magar hasrat-e-tāmīr to dekho
kis kis ke ta.āqub meñ bhaTaktī rahī āñkheñ
TuuTe hue ik ḳhvāb kī ta.abīr to dekho
lauT ā.eñge phir ghar kī taraf shaam ko panchhī
pairoñ se lipaTtī huī zanjīr to dekho
niklī jo bhañvar se to musāfir the nadārat
TuuTī huī is naav kī taqdīr to dekho