zarā sī baat se manzar badal bhī saktā thā
jo hādisa huā bastī meñ Tal bhī saktā thā
gilā na kar mirī raftār kā ye bojh bhī dekh
maiñ sab ke saath huuñ aage nikal bhī saktā thā
havā.eñ us ke mire darmiyān rahtī thiiñ
qarīb hote hue dasht jal bhī saktā thā
chaleñ vo āñdhiyāñ rishta zamīñ se TuuT gayā
ghanā daraḳht abhī phūl-phal bhī saktā thā
bas ek pal ne mujhe qaid kar liyā 'anjum'
maiñ jab giraft se us kī nikal bhī saktā thā