donoñ apne kaam ke māhir donoñ baḌe zahīn
saañp hamesha phan lahrā.e aur saperā biin
gurg vahāñ koī sar nahīñ kartā aahū par bandūq
us bastī ko jañgal kahnā jañgal kī tauhīn
soḳhtagāñ kī bazm-e-suḳhan meñ sadr-nashīñ aaseb
chīḳhoñ ke sad ġhazloñ par sannāToñ kī tahsīn
fitna-e-shab ne ḳhatm kiyā sab āñkhoñ kā āzār
saare ḳhvāb haqīqat ban ga.e saare vahm yaqīn
ham bhī patthar tum bhī patthar sab patthar Takrāo
ham bhī TūTeñ tum bhī TuuTo sab TūTeñ āmīn