halqa-e-be-talabāñ rañj-e-girāñ-bārī kyā
uTh ke chalnā hī to hai, kuuch kī tayyārī kyā
ek koshish ki ta.alluq koī baaqī rah jaa.e
so tirī chāragarī kyā mirī bīmārī kyā
tujh se kam par kisī sūrat nahīñ raazī hotā
dil-e-nādāñ ne dikhā rakkhī hai hushyārī kyā
qaid-ḳhāne se nikal aa.e to sahrā kā hisār
ham se TūTegī ye zanjīr-e-giraftārī kyā
vo bhī turfa suḳhan-ārā haiñ, chalo yuuñ hī sahī
itnī sī baat pe yāroñ kī dil-āzārī kyā