shuā-e-zar na milī rañg-e-shā.irāna milā
matā-e-nūr se kyā mujh ko munsifāna milā
maiñ kis se pūchhūñ ki is sail-e-ḳhāk se bāhar
kise nikalnā na thā kis ko rāsta na milā
kahīñ dikhā.ī na dī anjum-e-duā kī chamak
ghane añdhere meñ ik haath bhī uThā na milā
bhaTak rahā huuñ maiñ is dasht-e-sañg meñ kab se
abhī talak to dar-e-ā.īna khulā na milā
jalā.e phirtā rahā mish.al-e-tajassus maiñ
magar surāġh kahīñ khoī shaam kā na milā
ugaltā hogā kabhī sonā chāñdī ḳhitta-e-dil
mujhe to ek bhī sikka yahāñ paḌā na milā
navāh-e-jāñ meñ vo tūfān-e-habs thā ki 'hasan'
havā to kyā ki kahīñ havā na milā