Ahmad Faraz

jab bhi dil khol ke roe honge

Ahmad Faraz

Sialkot, Punjab, Pakistan

1931-2008

jab bhī dil khol ke ro.e hoñge

log ārām se so.e hoñge

ba.az auqāt ba-majbūrī-e-dil

ham to kyā aap bhī ro.e hoñge

sub.h tak dast-e-sabā ne kyā kyā

phuul kāñToñ meñ piro.e hoñge

vo safīne jinheñ tūfāñ na mile

nā-ḳhudāoñ ne Dubo.e hoñge

raat bhar hañste hue tāroñ ne

un ke aariz bhī bhigo.e hoñge

kyā ajab hai vo mile bhī hoñ 'farāz'

ham kisī dhyān meñ kho.e hoñge

Top Urdushayar.com