dillī ke biich haa.e akele mareñge ham

tum āgare chale ho sajan kyā kareñge ham

yuuñ sohbatoñ kuuñ pyaar kī ḳhālī jo kar chale

ai mehrbān kyūñki kahūñ din phireñge ham

jin jin ko le chale ho sajan saath un samet

hāfiz rahe ḳhudā ke havāle kareñge ham

bhūloge tum agarche sadā rañg-jī hameñ

to naañv bain-bain ke tum ko dhareñge ham

iḳhlās meñ katā hai tumheñ 'ābrū' abhī

aa.e na tum shitāb to tum siiñ laḌeñge ham