agar dil ishq siiñ ġhāfil rahā hai
to apne fan meñ nā-qābil rahā hai
dil o diiñ se to guzrā ab ḳhudī chhoḌ
ghar us mah kā ab ik manzil rahā hai
judā.ī ke kare tadbīr ab kaun
ye dil thā so usī siiñ mil rahā hai
na bāñdho said rahne kā nahīñ baaz
dil apnī harkatoñ siiñ hal rahā hai
misl-e-barq duniyā se guzar jā
itā kyuuñ is meñ be-hāsil rahā hai
nahīñ tazmīn kā zauq 'ābrū' ko
kahāñ us kuuñ dimāġh o dil rahā hai