agar añkhiyoñ siiñ añkhiyoñ ko milāoge to kyā hogā
nazar kar lutf kī ham kuuñ jalāo.ge to kyā hogā
tumhāre lab kī surḳhī la.al kī mānind aslī hai
agar tum paan ai pyāre na khāoge to kyā hogā
mohabbat siiñ kahtā huuñ taur bad-nāmī kā behtar nahiñ
agar ḳhandoñ kī sohbat meñ na jāoge to kyā hogā
tumhāre shauq meñ huuñ jāñ-ba-lab ik umr guzrī hai
agar ik dam kuuñ aa kar mukh dikhāoge to kyā hogā
mirā dil mil rahā hai tum suuñ pyāre bātinī milnā
agar ham paas zāhir meñ na aaoge to kyā hogā
jagat ke log saare 'ābrū' kuuñ pyaar karte haiñ
agar tum bhī gale is kuuñ lagāoge to kyā hogā