Umair Najmi

daen bazu mein gaDa tir nahin khinch saka

Umair Najmi

Rahim Yar Khan, Punjab, Pakistan

1986

daa.eñ baazū meñ gaḌā tiir nahīñ khīñch sakā

is liye ḳhol se shamshīr nahīñ khīñch sakā

shor itnā thā ki āvāz bhī Dabbe meñ rahī

bhiiḌ itnī thī ki zanjīr nahīñ khīñch sakā

har nazar se nazar-andāz-shuda manzar huuñ

vo madārī huuñ jo rahgīr nahīñ khīñch sakā

maiñ ne mehnat se hathelī pe lakīreñ khīñchīñ

vo jinheñ kātib-e-taqdīr nahīñ khīñch sakā

maiñ ne tasvīr-kashī kar ke javāñ aulād

un ke bachpan tasāvīr nahīñ khīñch sakā

mujh pe ik hijr musallat hai hamesha ke liye

aisā jin hai ki koī piir nahīñ khīñch sakā

tum pe kyā ḳhaak asar hogā mire sheroñ

tum ko to mīr-taqī-'mīr' nahīñ khīñch sakā

Top Urdushayar.com