vaqt kī qaid se āzād karāne aa.e
āḳhirī vaqt mujhe muñh hī dikhāne aa.e
in dinoñ merī tabī.at meñ hai mad-hoshī sī
us se kah do ki mirā dard jagāne aa.e
maiñ ne jab pyaar kī daulat se navāzā hai use
vo bhī do bol mohabbat ke sunāne aa.e
umr-bhar saath nibhāne ko kahā hai kis ne
vo mire saath bas ik shaam manāne aa.e
dil ko dariyā ko baḌī der huī ḳhushk hue
koī bādal hī mirī pyaas bujhāne aa.e
jab se vo ruuTh gayā shaad yahī sochtā huuñ
kab mirā chāñd mire paas na-jāne aa.e