phir aas de ke aaj ko kal kar diyā gayā
hoñToñ ke biich baat ko shal kar diyā gayā
sadiyoñ kā phok jism sambhāle to kis tarah
jab umr ko nichoḌ ke pal kar diyā gayā
ab to sañvārne ke liye hijr bhī nahīñ
saarā vabāl le ke ġhazal kar diyā gayā
mujh ko mirī majāl se ziyāda junūñ diyā
dhaḌkan kī lai ko sāz-e-ajal kar diyā gayā
kaise bujhā.eñ kaun bujhā.e bujhe bhī kyuuñ
is aag ko to ḳhuun meñ hal kar diyā gayā