ishq ko kāmyāb honā thā
aap ko be-naqāb honā thā
kyā shikāyat tire taġhāful kī
ḳhatm merā shabāb honā thā
aap ne hosh kho diye mere
aaj hī be-naqāb honā thā
kyuuñ na dil chhīn kar vo le jaate
zindagī ko ḳharāb honā thā
un hasīnoñ ke zulm sahne ko
merā hī intiḳhāb honā thā
kyuuñ zuleḳhā kā ḳhvāb ban na gayā
gar mujhe kāmyāb honā thā
chiir kar dil ko dil se niklī thī
aah ko kāmyāb honā thā
mil ke 'shañkar' se aaj us ne kahā
tujh ko mast-e-sharāb honā thā