yaar ke ruḳh ne kabhī itnā na hairāñ kiyā
fikr-e-sar-e-zulf ne jaisā pareshāñ kiyā
aisā kisī se junūñ dast-e-garebāñ na ho
chāk-e-garebāñ kā bhī chaak garebāñ kiyā
kar chukā thā zahr-e-rashk parde meñ kaar apnā lek
teġh-e-judā.ī ne zor kār-e-numāyāñ kiyā
ishq tire haath se tū hī batā kyā kareñ
vasl meñ hairāñ kiyā hijr meñ giryāñ kiyā
aish-o-ġham-e-bāġh-e-dahr vahm hai Tuk gul ko dekh
chaak kiyā tū kahe maiñ kahūñ ḳhandāñ kiyā
us kā charāġh-e-murād rahiyo farozāñ mudām
dāġhoñ se dil ko mere jis ne charāġhāñ kiyā
ishq kī kyā tarbiyat tujh se kahūñ ai 'razā'
aah ko naala kiyā naale ko afġhāñ kiyā