is tarah bazm meñ vasf-e-ruḳh-e-jānāna karūñ
ātish-e-shauq se tā-sham.a ko parvāna karūñ
aql kā ta.an na kar mujh pe abhī ai nāseh
ik suḳhan ishq kā kah tujh ko bhī dīvāna karūñ
ashk-e-hasrat kī agar hove madad ai zāhid
dil-e-sad-chāk ko maiñ sub.ha-e-sad-dāna karūñ
dard-e-dil pūchh na mujh se ki vo bātūnī huuñ
harf ho ek to sau tarah se afsāna karūñ
apne saudā ne kiyā shahr kā bāzār to garm
ai 'razā' dil meñ hai ābād maiñ vīrāna karūñ