ishq ke jāñ-nisār jiite haiñ
ba.ad marne ke yaar jiite haiñ
zahr-e-hasrat chashīdgān-e-firāq
haiñ muoñ meñ hazār jiite haiñ
dushmanoñ par tū teġh yaar na khīñch
abhī to dost-dār jiite haiñ
tū jahāñ jaa.e misl-e-āb-e-hayāt
murde ab ek baar jiite haiñ
ek din daav hai hamārā bhī
yahāñ baazī to yaar jiite haiñ
bin ajal koī mar nahīñ saktā
jī ko ham maar maar jiite haiñ
ġham-e-hijrāñ kī kuchh nahīñ pūchh 'razā'
shukr-e-parvardigār jiite haiñ