bichhaḌ ke tujh se na jiite haiñ aur na marte haiñ
ajiib tarah ke bas hādse guzarte haiñ
zamīn chhoḌ na pā.ūñgā intizār ye hai
vo āsmān se dhartī pe kab utarte haiñ
ye kis ne khīñch dī sāñsoñ kī laxman-rekhā
ki jism jaltā hai bāhar jo paañv dharte haiñ
ye chāñd taare zamīñ aur āftāb tamām
tavāf karte haiñ kis kā tavāf karte haiñ?
hayāt detī haiñ sāñseñ bas ik maqām talak
phir is ke ba.ad to bas saañs saañs marte haiñ