luuñ vaam baḳht-e-ḳhufta se yak-ḳhvāb-e-ḳhush vale
'ġhālib' ye ḳhauf hai ki kahāñ se adā karūñ
ḳhush vahshate ki arz-e-junūn-e-fanā karūñ
juuñ gard-e-rāh jāma-e-hastī qabā karūñ
aa ai bahār-e-nāz ki tere ḳhirām se
dastār gird-e-shāḳh-e-gul-e-naqsh-e-pā karūñ
ḳhush uftādgī ki ba-sahrā-e-intizār
juuñ jaada gard-e-rah se nigah surma-sā karūñ
sabr aur ye adā ki dil aave asīr-e-chāk
dard aur ye kamīñ ki rah-e-nāla vā karūñ
vo be-dimāġh-e-minnat-e-iqbāl huuñ ki maiñ
vahshat ba-dāġh-e-sāya-e-bāl-e-humā karūñ
vo iltimās-e-lazzat-e-be-dād huuñ ki maiñ
teġh-e-sitam ko pusht-e-ḳham-e-iltijā karūñ
vo rāz-e-nāla huuñ ki ba-sharh-e-nigāh-e-ajz
afshāñ ġhubār-e-surma se fard-e-sadā karūñ