dasht kī vīrāniyoñ meñ ḳhema-zan hotā huā
mujh meñ Thahrā hai koī be-pairahan hotā huā
ek parchhā.īñ mire qadmoñ meñ bal khātī huī
ek sūraj mere māthe kī shikan hotā huā
ek kashtī ġharq merī aañkh meñ hotī huī
ik samundar mere andar maujzan hotā huā
juz hamāre kaun āḳhir dekhtā is kaam ko
ruuh ke andar koī kār-e-badan hotā huā
mere saare lafz merī zaat meñ kho.e hue
zikr us kā anjuman-dar-anjuman hotā huā