bhīnī ḳhushbū sulagtī sāñsoñ meñ
bijliyāñ bhar ga.ī haiñ hāthoñ meñ
sirf terā badan chamaktā hai
kaalī lambī udaas rātoñ meñ
kyā kyā chhīnegā ai amīr-e-shahr
itne manzar haiñ merī āñkhoñ meñ
aañkh khulte hī bastiyāñ tārāj
koī lazzat nahīñ hai ḳhvāboñ meñ
band haiñ aaj saare darvāze
aag raushan hai sā.ebānoñ meñ
vo sazā do ki sab ko ibrat ho
bach gayā hai ye ḳhosha-chīnoñ meñ