jū-e-kam-āb se ik tez sā jharnā huā maiñ
terī jānib huuñ ravāñ shor machātā huā maiñ
mujh se ḳhālī nahīñ ab ek bhī zarra hai yahāñ
dekh ye tañg zamīñ aur ye phailā huā maiñ
dekh kar vus.at-e-sahrā-e-tapāñ larzāñ huuñ
sāhil-e-dīda-e-namnāk pe Thahrā huā maiñ
pā-ba-zanjīr idhar tez huā aur udhar
ḳhaak ke taḳht pe sultān sā baiThā huā maiñ
koī ḳhurshīd sā duniyā pe chamaktā huā tū
kisī dīvār se saaya sā nikaltā huā maiñ